叱咤 903 DJ聯同一眾歌手走訪不同中學，進行一連五場【2024 年度叱咤樂壇流行榜頒獎典禮】之「我在校園狂歌亂舞」校園巡演。薛晉寧（阿檸）跟創作女歌手 Kiri T 日前走訪慈幼英文學校，進行第三場「我在校園狂歌亂舞」。首次在男校演出的 Kiri T，特別與阿檸走到台下與同學們近距離互動，分享「狂歌亂舞」的難忘經歷，並邀請全場逾 300 位男同學合唱《至少做一件離譜的事》。
Kiri T 笑言好緊張：「行入禮堂嘅時候都幾緊張，因為要喺 300 幾個男同學面前唱歌，好開心佢哋都好投入咁跟住一齊唱，成件事好青春。」活動上有三個男同學分別演奏電結他及爵士鼓，現場演繹男生版的《有些話要用英文說》，Kiri T 對他們的演出讚不絕口：「同學仔真係好 Cute，話自己無分手經驗，好擔心投入唔到感情。其實佢哋好淡定，一啲都唔似第一次夾 Band，男仔唱呢首歌仲有一種好 Fresh 嘅感覺。我細個都係跟住歌手嘅流行曲學 Chord 同埋表演，而家就輪到同學仔演繹我創作嘅歌，真係感到好榮幸。」
